حبيتك لالتزامك

لقد قرأت الابيات التالية فى مدونة و قررت على الفور ان انقلها لأخوانى و أخواتى اعضاء مزيكا تو دى فلقد وجدت فى تلك الابيات حقيقة منهاج لكل شاب و فتاة مقبل على الارتباط ( الزواج بكل تأكيد )
أرجو ان تقرؤها و تكتبوا لى ردودكم عليها
لا أود ان اطيل عليكم اترككم مع الابيات :
حبيتك لالتزامك ............... حبيتك لاحترامك
حبيت فيكى التواضع .............و العزة الى ف كلامك
مبسوط منك لأنك ............. اسلامك كل همك
أنا اصلى قابلت بابا .............. و ادانى فكرة عنك
و سألته عن طباعك ........... ان كنتى يعنى هادية
فحكالى عن سماعك ............ لكلامه و انت راضية
وازاى بتسلى نفسك ............. بذكرك و انت فاضية
وحلاوة صوت تلاوتك ............... وازاى بتكونى شادية

وسألته ان كنتى فاهمة .............. معنى كلمة زوجين
قالى هتكونوا ورقة ............... مطبوعة نسختين
غنى كنت او فقير .............. ليك عند بنتى دين
سرك هيكون فى بير ............ معرفش مكانه فين
تفضل دايما كبير ............... فى نظرها حبتين
لو جيت بفلوس كتير ............. تطمن جت منين

هتكون دايما معاها ............ سيرتك هتكون هواها
والشوق الى ف خيالك ........... تلقاه لحظة لقاها
لو جيت زعلان ف مرة ............ ارمى همومك وراها
ومهما شوفت بره ............ مش هتشوف مستواها
واطمن يا ابنى خالص ........... عقلها مافيهوش تفاهة
وزى ما هى بنتى .............. بنت حماتها و حماها

وسألته عن ولادى ............. منها هيكونوا ايه ؟
قالى هيكونوا عادى .......... فسألته يعنى ايه ؟
قالى العادى اللى كان ........... عند الناس زمان
العادى بتاع سراقة ............ و حذيفة بن اليمان
العادى بتاع أسامة ............ وابن الحكيم لقمان
ده العادى بتاعنا ............ بنربى عليه علشان
لو جينا ولا رحنا ............ هنقابل الرحمن
عمرك ما تخاف عليهم ......... ولادك فى الامان
هتشوف ابنك بيصحى .......... مادام سمع الأذان

و اكيد للحسن بقية لكن قولت مطولش عليكوا يا شباب و بنات
وهل تلك الفتاة التى اخذ والدها يعدد فى صفاتها حلم ؟
ادعو الله ان يحقق هذا الحلم و ان ارى جميع بنات المسلمين على تلك الشاكلة
و اقول للشباب : ماذا فعلتوا كى تفوزوا بفتاة كهذه ؟